大乘修心七要༄༅། །ཐེག་པ་ཆེན་པོ་བློ་སྦྱོང་དོན་བདུན་མའི་རྩ་བ་བཞུགས་སོ། །

大乘修心七要༄༅། །ཐེག་པ་ཆེན་པོ་བློ་སྦྱོང་དོན་བདུན་མའི་རྩ་བ་བཞུགས་སོ། །

阿底峽尊者——傳;切喀瓦尊者——著;堪布索達吉——藏譯中

དང་པོ་སྔོན་འགྲོ་དག་ལ་བསླབ།།

首先修前行

ཆོས་རྣམས་རྨི་ལམ་ལྟ་བུར་བསམ། །མ་སྐྱེས་རིག་པའི་གཤིས་ལ་དཔྱད།།

思諸法如夢 觀心性無生

གཉེན་པོ་ཉིད་ཀྱང་རང་སར་གྲོལ། །ངོ་བོ་ཀུན་གཞིའི་ངང་དུ་བཞག།

對治亦自解 道體住賴耶

ཐུན་མཚམས་སྒྱུ་མའི་སྐྱེས་བུར་བྱ།།

座間修幻化

གཏོང་ལེན་གཉིས་པོ་སྤེལ་མར་སྦྱང་། །དེ་གཉིས་རླུང་ལ་བསྐྱོན་ཏེ་བྱ།།

雜修二取捨 彼二乘風息

ཡུལ་གསུམ་དུག་གསུམ་དགེ་རྩ་གསུམ། །སྤྱོད་ལམ་ཀུན་ཏུ་ཚིག་གིས་སྦྱང་།།

三境毒善根 諸威儀持頌

ལེན་པའི་གོ་རིམ་རང་ནས་བརྩམ།།

取次從自起

སྣོད་བཅུད་སྡིག་པས་གང་བའི་ཚེ། །རྐྱེན་ངན་བྱང་ཆུབ་ལམ་དུ་བསྒྱུར།།

罪滿情器時 惡緣成覺道

ལེ་ལན་ཐམས་ཅན་གཅིག་ལ་བདའ། །ཀུན་ལ་བཀའ་དྲིན་ཆེ་བར་བསྒོམ།།

報應皆歸一 修一切大恩

འཁྲུལ་སྣང་སྐུ་བཞིར་བསྒོམ་པ་ཡི། །སྟོང་ཉིད་སྲུང་བ་བླ་ན་མེད།།

迷境觀四身 空護為最上

སྦྱོར་བ་བཞི་ལྡན་ཐབས་ཀྱི་མཆོག །འཕྲལ་ལ་གང་ཐུག་བསྒོམ་དུ་སྦྱང་།།

四行勝方便 所遇修道用

མན་ངག་སྙིང་པོ་མདོར་བསྡུས་པ། །སྟོབས་ལྔ་དག་དང་སྦྱར་བ་བྱ།།

總攝竅訣要 應修習五力

ཐེག་ཆེན་འཕོ་བའི་གདམས་ངག་ནི། །སྟོབས་ལྔ་ཉིད་ཡིན་སྤྱོད་ལམ་གཅེས།།

大乘死教言 五力重威儀

ཆོས་ཀུན་དགོས་པ་གཅིག་ཏུ་འདུས།།

諸法攝一要

དཔང་པོ་གཉིས་ཀྱི་གཙོ་བོ་བཟུང་། །ཡིད་བདེ་འབའ་ཞིག་རྒྱུན་དུ་བསྟེན།།

二證取上首 恆當依歡喜

ཡེངས་ཀྱང་ཐུབ་ན་འབྱོངས་པ་ཡིན།།

能散即圓滿

སྤྱི་དོན་གསུམ་ལ་རྟག་ཏུ་བསླབ། །འདུན་པ་བསྒྱུར་ལ་རང་སོར་བཞག།

恆學三總義 轉欲自穩重

ཡན་ལག་ཉམས་པ་བརྗོད་མི་བྱ། །གཞན་ཕྱོགས་གང་ཡང་མི་བསམ་མོ།།

不應說缺陷 全莫思他過

ཉོན་མོངས་གང་ཆེ་སྔོན་ལ་སྦྱང་། །འབྲས་བུར་རེ་བ་ཐམས་ཅད་སྤང་།།

先淨重煩惱 斷一切果求

དུག་ཅན་གྱི་ཟས་སྤངས། གཞུང་བཟང་པོ་མ་བསྟེན།།

捨棄有毒食 莫學重義氣

ཤགས་ངན་མ་རྒོད། འཕྲང་མ་བསྒུག

莫發粗惡語 勿候險阻處

གནད་ལ་མི་དབབ། མཛོ་ཁལ་གླང་ལ་མི་འབྱོ།

莫刺要害處 犏載莫移牛

མགྱོགས་ཀྱི་རྩེ་མ་གཏོད། གཏོ་ལོག་མི་བྱ།

不好強爭先 斷除諸邪命

ལྷ་བདུད་དུ་མི་དབབ། སྐྱིད་ཀྱི་ཡན་ལག་ཏུ་སྡུག་མ་ཚོལ།

天莫淪為魔 為樂莫求苦

རྣལ་འབྱོར་ཐམས་ཅད་གཅིག་གིས་བྱ།།

諸瑜伽持一

ལོག་གནོན་ཐམས་ཅད་གཅིག་གིས་བྱ། །ཐོག་མཐའ་གཉིས་ལ་བྱ་བ་གཉིས།།

遇違緣修一 初後行二事

གཉིས་པོ་གང་བྱུང་བཟོད་པར་བྱ། །གཉིས་པོ་སྲོག་དང་བསྡོས་ནས་བསྲུང་།།

二境皆應忍 捨命護二事

དཀའ་བ་གསུམ་ལ་བསླབ་པར་བྱ། །རྒྱུ་ཡི་གཙོ་བོ་རྣམ་གསུམ་བླང་།།

當學三種難 取三主要因

ཉམས་པ་མེད་པ་རྣམ་གསུམ་བསྒོམ། །འབྲལ་མེད་གསུམ་དང་ལྡན་པར་བྱ།།

修三無失壞 成就三無離

ཡུལ་ལ་ཕྱོགས་མེད་དག་ཏུ་སྦྱང་། །ཁྱབ་དང་གཏིང་འབྱོངས་ཀུན་ལ་གཅེས།།

於境修無偏 遍且深修習

བཀོལ་བ་རྣམས་ལ་རྟག་ཏུ་བསྒོམ། །རྐྱེན་གཞན་དག་ལ་ལྟོས་མི་བྱ།།

於厲境恆修 不依賴他緣

ད་རེས་གཙོ་བོ་ཉམས་སུ་བླང་། །གོ་ལོག་མི་བྱ།

今當修主要 不顛倒是非

རེས་འཇོག་མི་བྱ། དོལ་ཆོད་དུ་སྦྱང་།

不時作時修 當堅定而修

རྟོག་དཔྱད་གཉིས་ཀྱིས་ཐར་བར་བྱ།

以二觀察解

ཡུས་མ་བསྒོམས། ཀོ་ལོང་མ་སྡོམས།

不好大喜功 不暴躁易怒

ཡུད་ཙམ་པ་མི་བྱ།འོར་ཆེ་མ་འདོད།

不喜怒無常 莫追求聲譽

སྙིགས་མ་ལྔ་པོ་བདོ་བ་འདི། །བྱང་ཆུབ་ལམ་དུ་བསྒྱུར་བ་ཡིན།།

將此盛五濁 轉為菩提道

མན་ངག་བདུད་རྩིའི་སྙིང་པོ་འདི། །གསེར་གླིང་པ་ནས་བརྒྱུད་པ་ཡིན།།

竅訣甘露藏 乃傳自金洲

སྔོན་སྦྱངས་ལས་ཀྱི་འཕྲོ་སད་པས། །རང་གི་མོས་པ་མང་བའི་རྒྱུས།།

由昔修業醒 自眾信為因

སྡུག་བསྔལ་གཏམ་ངན་ཁྱད་བསད་ནས། །བདག་འཛིན་འདུལ་བའི་གདམས་ངག་ཞུས།།

能輕苦譏毀 請調我執教

ད་ནི་ཤི་ཡང་མི་འགྱོད་དོ།།

今死亦無憾





©Thrangu Dharmakara 2023